Tolosaldeko Hitza

Piraguismo ikastaroetan izena emateko aukera zabalik aurkitzen da

Kirolak ðð Iraila bitarte Kaxkardi Kirol Elkarteak egun bateko zein aste bateko ikastaroak antolatu ditu.

a. imaz

Urtero bezala, aurten ere Kaxkardi Kirol Elkarteak Piraguismo ikastaroak antolatu ditu. Maiatzetik irailera bitarte, aste osoko ikastaro trinkoak edo egun bateko irteerak antolatzen ari dira Kaxkardiko kideak.

Parte-hartzaileak 8 urtetik gorakoak izan behar dute eta izena eman edo informazio gehiagorako 636 63 86 35/677 48 89 10 telefono zenbakietara deitu behar da.

Helburuak eta kostua

Kaxkardikoek azaldu dutenez, piraguismoko hastapenerako ikastaro honetan, «oinarrizko jakintzak ikasten dira; mugimenduak, piraguaren erabilera eta kontrola, norabidea, piraguan askatasunez mugitzea lortu...». Horretaz gain, «naturarekiko sentsibilizazioa sendotu eta errespetua lantzea» ere Kaxkardi Kirol Elkartearen helburuen artean aurkitzen da.

Astebeteko ikastaroak 45 euroko kostua du eta egun bateko irteerak 10 laguneko taldeek egingo dituzte. Talde bakoitzak 200 euro ordaindu beharko du.