Tolosaldeko Hitza

Mariskadaren irabazleak eta Larresorora bidaia

Leaburu-Txarama Uztailaren 27an, etzi, herritarrak Larresorara joango dira bi herrien arteko loturari esker.

a. imaz

Tolosako Lurdes Agirre eta Pello Egigurenek irabazi dute Leaburu-Txaramako Larte Azpiko Ekintza Elkarteak antolatutako zozketa. Sari bezala mariskada tokatu zaie. Antolatzaileek eskarrak eman nahi izan dizkie zozketan parte hartu zuten guztiei eta zorionak irabazleei.

Larresorora bidaia etzi

Uztailaren 27an, etzi, Leaburu-Txaramako herritarrak Lapurdira joango dira, Larresorora hain zuzen ere. Bidaia bi herrien arteko adixkidetasun loturaren barnean kokatzen da eta bertara egun pasa joan nahi duenak 696 03 58 16 telefono zenbakira deitu beharko du izena emateko edo informazio gehiago lortzeko.

Autobusa 10:15ean irtengo da Leaburutik eta 10:30ean Txaramatik. 12:00etan ongietorri ekitaldia egingo diete hemendik joaten direnei Larresoroko herritarrek. Zintzurra busti ondoren bazkaria egingo dute eta 18:00etan talo jatea. Ondoren, bertako bertsolari gazteen saioa egongo da. Kantuan Maiana Irigoien, Ximun Kazaubon, Mixel Maitea eta Patxi Iriarrte arituko dira.

Leaburu-Txaramarako itzulera bidaia hasi aurretik, Herlauz musika taldearen emanaldia antolatu dute Larresoron.